Япониянинг Исикава префектурасида юз берган кучли зилзилалар оқибатида ҳалок бўлганлар сони 55 кишига етди, 100 дан ортиқ киши жароҳат олди. Бу ҳақда маҳаллий ҳокимиятга таяниб, Nikkei Asia хабар берди.
Энг кўп ўлим Вадзима ва Судзу шаҳарларида қайд этилган. Бу ерда зилзилалар натижасида мос равишда 24 ва 20 киши ҳалок бўлган. Аввалроқ 48 кишининг ўлими ҳақида хабар берилганди. Одамлар қулаган уйларнинг вайроналари остида бўлиши мумкин. Бу Японияда 2016 йилдан бери содир бўлган энг ҳалокатли зилзила бўлди.
-64PcIngC.jpg)
Зилзила эпицентрига яқин жойлашган 5000 дан сал кўпроқ хонадонга эга Сузу шаҳрида уйларнинг 90 фоизи вайрон бўлган бўлиши мумкин. Вазият ҳалокатли”, — дейди шаҳар мэри Масуҳиро Изумия.
Япониядаги кучли зилзилалар
1 январь куни куни тушдан кейин Япониянинг Исикава префектурасида бир қатор кучли зилзилалар юз берди. Уларга “Ното яриморолидаги зилзила” номи берилди. Қайд этилган энг кучли зилзиланинг магнитудаси 7,6 ни ташкил этди. Зилзилалардан сўнг Япониянинг ғарбий соҳилидаги баъзи ҳудудлар катта цунами хавфи остида қолди. Ҳозирда цунами ҳақидаги барча огоҳлантиришлар бекор қилинган.
Ер силкиниши уйларнинг вайрон бўлишига ва тезюрар поездлар ҳаракатининг тўхтаб қолишига олиб келди, 32 мингдан ортиқ уйнинг электр энергияси узилиб қолди. Айрим ҳудудларда сув таъминоти ва алоқа узилиши кузатилмоқда.
-lFveUpQ5.jpg)
Атом электр станциясининг ишлашида носозликлар аниқланмади. Деярли бир кундан кейин барча йўналишларда тезюрар поездлар ҳаракати тикланди. 2024 йил 1 январдаги зилзила Ното яримороли учун 1885 йилдан буён тегишли статистика юритила бошлангандан кейинги энг кучли зилзила бўлди.
Изоҳ (0)