Farg‘ona viloyatida pirotexnika vositalarining noqonuniy savdosi bilan shug‘ullangan shaxslar faoliyatiga chek qo‘yildi. Bu haqda viloyat IIB axborot xizmati xabar berdi.
Qayd etilishicha, Farg‘ona viloyati bojxona boshqarmasi Kontrabandaga qarshi kurashish bo‘limi xodimlari viloyat DXX va IIB xodimlari hamkorlikda pirotexnika vositalarining chetdan noqonuniy olib kirilishi va saqlanishiga qarshi tezkor tadbirlar o‘tkazgan. Tadbirlar davomida Damas va Cobalt rusumli avtotransport vositalarida hamda yashash xonadonida chetdan noqonuniy olib kirilayotgan va saqlanayotgan umumiy qiymati 264 million so‘mlik 14 turdagi 588 ming donadan ziyod pirotexnika vositalari borligi aniqlangan.
Hozirda mazkur holatlar yuzasidan tergovga qadar tekshiruv harakatlari olib borilmoqda.
Avvalroq Namangan viloyati Uychi tumanida 31 million so‘mlik pirotexnika buyumlarini sotayotgan shaxslar ushlangani to‘g‘risida xabar berilgandi. Angrenda Toshkentga ketayotgan Mercedes-Benz ichidan 250 ming donaga yaqin pirotexnika vositalari topilgan, shuningdek, Toshkentda xonadonida 1 milliard so‘mlik pirotexnika vositalari va tamaki mahsulotlarini saqlab kelgan shaxs ushlangan edi.
Izoh (0)