Farg‘ona tumanida yashash xonadonida pirotexnika vositalarini saqlab kelgan ayolga chora ko‘rildi, deb xabar beradi Farg‘ona viloyati IIB axborot xizmati.
Ma’lum qilinishicha, Farg‘ona tumani IIB xodimlari tomonidan “Navro‘z” MFYda yashovchi M.R.ning (ayol) yashash xonadoni xolislar ishtirokida ko‘zdan kechirilgan. Tekshiruv davomida ayolning yashash xonadoni hovlisida umumiy bahosi 25 million so‘m bo‘lgan 112 dona “7 SHOTS” nomli pirotexnika vositalarini o‘tkazish maqsadida saqlab kelayotgani aniqlangan.
Holat yuzasidan M.R.ga nisbatan Ma’muriy javobgarlik to‘g‘risidagi kodeksning 185-moddasi 1-qismiga (pirotexnika buyumlarining qonunga xilof muomalasi) asosan chora ko‘rishlik uchun jinoyat ishlari bo‘yicha Farg‘ona tumani sudiga yuborilgan.
- Avvalroq Namangan viloyati Uychi tumanida 31 million so‘mlik pirotexnika buyumlarini sotayotgan shaxslar ushlangani to‘g‘risida xabar berilgandi.
- Angrenda Toshkentga ketayotgan Mercedes-Benz ichidan 250 ming donaga yaqin pirotexnika vositalari topilgan edi.
Izoh (0)