Toshkent viloyati bojxona boshqarmasi Kontrabandaga qarshi kurashish tezkor xodimlari, DXX Toshkent shahar boshqarmasi hamda IIB Yo‘l-patrul xizmati xodimlari bilan hamkorlikda Ohangaron tumani hududida tezkor tadbir o‘tkazildi. Bu haqda viloyat bojxona boshqarmasi matbuot xizmati xabar berdi.
Tadbir davomida, Ohangaron tumanida Farg‘ona—Ohangaron yo‘nalishi bo‘ylab harakatlanib kelayotgan fuqaro boshqaruvida bo‘lgan, Mercedes-Benz Sprinter rusumli avtotransport vositasi to‘xtatilgan. Avtomobil xolislar ishtirokida ko‘zdan kechirilganida, uning yukxonasida xufiyona tarzda kiyim-kechaklar ostiga yashirilgan fuqaro Kayumovaga tegishli bo‘lgan, dastlabki hisob-kitoblarga ko‘ra, qiymati 200 million so‘m bo‘lgan jami 174 108 dona pirotexnika vositalari borligi aniqlanib, ashyoviy dalil sifatida olingan.
Hozirda, holat yuzasidan surishtiruv ishlari olib borilmoqda.
Avvalroq Namangan viloyati Uychi tumanida 31 million so‘mlik pirotexnika buyumlarini sotayotgan shaxslar ushlangani to‘g‘risida xabar berilgandi. Shuningdek, Angrenda Toshkentga ketayotgan Mercedes-Benz ichidan 250 ming donaga yaqin pirotexnika vositalari topilgan edi.
Izoh (0)