Toshkent viloyati Angren shahrida to‘xtatilgan Mercedes-Benz Sprinter avtomobiliga pirotexnika vositalari ortilgani ma’lum bo‘ldi, deb xabar beradi IIV YHXX axborot xizmati.
Ma’lum qilinishicha, 5-dekabr kuni soat 06:40 larda Angren shahridan o‘tuvchi xalqaro ahamiyatdagi A-373 avtomobil yo‘lining 185-kilometrida xizmat olib borayotgan YPX xodimlari tomonidan Vodiy—Toshkent yo‘nalishida harakatlanib kelayotgan Mercedes-Benz Sprinter rusumli avtomobil to‘xtatilib, tekshirilgan. Tekshiruv davomida mazkur transport vositasida 49,5 ming dona Treniya, 192,5 ming dona Britanik nomli pirotexnika vositalari hamda 1800 dona Milano nomli tamaki mahsulotlari olib ketilayotgani aniqlangan.
Holat o‘rnatilgan tartibda rasmiylashtirilib, 1975-yilda tug‘ilgan haydovchi U.J. va aniqlangan mahsulotlar Angren shahar IIBga topshirilgan.
Avvalroq Namangan viloyati Uychi tumanida 31 million so‘mlik pirotexnika buyumlarini sotayotgan shaxslar ushlangani to‘g‘risida xabar berilgandi.
Izoh (0)