Sudyalar oliy kengashi qarori bilan navbatdagi tayinlovlar amalga oshirildi. Bu haqda kengash matbuot xizmati xabar berdi.
![](/static/2023/Fozilbek/asfafasfa3242342sfdasa.jpg)
Xususan:
- Maʼrufjon Ergashev — sudyalik lavozimida bo‘lishning besh yillik muddatiga Toshkent viloyati Nurafshon tumanlararo maʼmuriy sudining sudyasi lavozimiga;
- Alisher Maksudov — sudyalik lavozimida bo‘lishning besh yillik muddatiga Toshkent viloyati Yuqori Chirchiq tumanlararo iqtisodiy sudining sudyasi lavozimiga;
- Botir Cho‘liyev — sudyalik lavozimida bo‘lishning besh yillik muddatiga Surxondaryo viloyati Termiz tumanlararo maʼmuriy sudining sudyasi lavozimiga tayinlandi.
O‘zbekiston prezidentining tegishli farmoyishiga muvofiq, beshta viloyat sudlarining raislari o‘zgargandi. Bundan oldin O‘zbekistonda 6 nafar sudya lavozimida o‘zgarish ro‘y bergani, Qashqadaryoda fuqaro nogironlik nafaqasini ololmay qolganiga sabab bo‘lgan sudyaga chora ko‘rilgani, Sudyalar oliy kengashida bir qator yangi tayinlovlar amalga oshirilgani to‘g‘risida xabar berilgandi.