Toshkent shahar bojxona boshqarmasi Kontrabandaga qarshi kurashish bo‘limi xodimlari tomonidan Davlat xavfsizlik xizmati, Milliy gvardiya va ichki ishlar idoralari bilan hamkorlikda yirik miqdordagi pirotexnika vositalarining xonadondagi yashirin ombori fosh etildi. Bu haqda Davlat bojxona qo‘mitasi matbuot xizmati xabar berdi.
Ma’lum qilinishicha, Sergeli tumanidagi avvaldan kuzatuvga olingan shaxsning xonadoni belgilangan tartibda va xolislar ishtirokida ko‘zdan kechirilganida, bu yerda xorijda ishlab chiqarilgan va muqaddam turli yo‘llar bilan respublikaga olib kirilgan 162 ming 153 dona salyut va petardalar saqlanayotgani maʼlum bo‘lgan.
Shuningdek, ushbu xonadonda xorijda ishlab chiqarilgan, ammo raqamli markirovka kodlariga ega bo‘lmagan 9500 quti tamaki mahsulotlari ham saqlanayotgani aniqlangan.
Tezkor tadbir davomida olib qo‘yilgan pirotekxnika vositalari va tamaki mahsulotlarining umumiy qiymati dastlabki hisob-kitoblarga ko‘ra, 1 milliard so‘mdan oshmoqda. Hozirda mazkur holat yuzasidan tergovga qadar tekshiruv harakatlari davom ettirilmoqda.
- Avvalroq Namangan viloyati Uychi tumanida 31 million so‘mlik pirotexnika buyumlarini sotayotgan shaxslar ushlangani to‘g‘risida xabar berilgandi.
- Angrenda Toshkentga ketayotgan Mercedes-Benz ichidan 250 ming donaga yaqin pirotexnika vositalari topilgan edi.
Izoh (0)