O‘zbekiston prezidentining tegishli farmoyishiga muvofiq Nozima Davletova Prezident Administratsiyasining Tashqi aloqalar departamenti Tashqi siyosat va tashqi iqtisodiy hamkorlikni kengaytirishni axborot-tahliliy taʼminlash boshqarmasi boshlig‘i lavozimiga tayinlandi. Bu haqda O‘zA xabar berdi.
Tayinlovga qadar Nozima Davletova Milliy mass-mediani qo‘llab-quvvatlash va rivojlantirish jamoat fondi Vasiylik kengashi raisi lavozimida ishlab kelgan.
Ma’lumot uchun, O‘zbekistonda OAV va blogerlarni qo‘llab-quvvatlovchi mazkur jamoat fondi 2020-yilning yanvarida ish boshlagan bo‘lib, 2022-yilga qadar Komil Allamjonov va Saida Mirziyoyeva fondning vasiylik kengashiga rahbarlik qilgan.
Bundan oldin O‘zbekiston prezidentining tegishli farmoyishiga muvofiq Jahongir Ahmedov Prezident Administratsiyasi ijodiy tashkilotlar va kinematografiya sohasini rivojlantirish sho‘basi yetakchi inspektori lavozimiga tayinlangani to‘g‘risida xabar berilgandi.
Izoh (0)