Shavkat Mirziyoyev Prezident administratsiyasining yangilangan tarkibini tasdiqladi. Bu haqda Prezident matbuot xizmati xabar berdi.
Unga ko‘ra, prezidentning tegishli farmoni bilan:
- Aziz Magrupov prezidentning yordamchisi lavozimiga;
- Ravshan Gulyamov prezidentning iqtisodiy rivojlanish masalalari bo‘yicha maslahatchisi lavozimiga;
- Alisher Sultanov prezidentning energetika xavfsizligi masalalari bo‘yicha maslahatchisi lavozimiga;
- Shuxrat G‘aniyev prezidentning agrar rivojlanish masalalari bo‘yicha maslahatchisi lavozimiga;
- G‘ofurjon Mirzayev prezidentning kadrlar siyosati masalalari bo‘yicha maslahatchisi — prezident huzuridagi Davlat xizmatini rivojlantirish agentligi direktori lavozimiga;
- Doniyor Kadirov prezidentning huquqni muhofaza qiluvchi va nazorat organlari faoliyatini muvofiqlashtirish masalalari bo‘yicha maslahatchisi lavozimiga;
- Odil Abduraxmanov Prezident administratsiyasi Ijtimoiy rivojlanish departamentining rahbari lavozimiga;
- Kaxramon Kuranbayev Prezident administratsiyasi Yoshlar siyosati departamentining rahbari lavozimiga;
- Alisher Paygamov Prezident administratsiyasi Tashqi aloqalar departamentining rahbari lavozimiga;
- Nodir Abduraximov Prezident administratsiyasi Rejalashtirish va axborot ta’minoti departamentining rahbari lavozimiga;
- Utkir Kodirov Prezident administratsiyasi Hududlar bilan hamkorlik qilish va tahliliy materiallarni tayyorlash departamentining rahbari lavozimiga;
- Ulugbek Kurbanov prezident protokolining rahbari lavozimiga;
- Saidlaziz Saidkarimov Prezident administratsiyasi Nazorat inspeksiyasining boshlig‘i lavozimiga tayinlandi.
O‘zbekistonda Prezident administratsiyasi rahbari lavozimi 17-avgust kuni tugatilgan edi. Mazkur lavozimda faoliyat yuritgan Sardor Umurzoqov O‘zbekiston prezidentining maxsus topshiriqlar bo‘yicha maslahatchisi lavozimiga tayinlandi. Shu munosabat bilan u Prezident administratsiyasi rahbari lavozimidan ozod etildi.
Shuningdek, prezident farmoyishi bilan Sunnatulla Bekenov Prezident administratsiyasi rahbarining yordamchisi lavozimidan, Furqat Raximov Prezident administratsiyasining Ijro etuvchi apparati tahliliy materiallarni tayyorlash va administratsiya bo‘linmalari faoliyatini muvofiqlashtirish sho‘basi mudiri lavozimidan ozod etilgandi.
O‘zbekiston Prezidenti administratsiyasida:
- administratsiya rahbarining hududlardagi yordamchilari lavozimlari;
- administratsiya rahbarining hududlardagi yordamchilari kotibiyatlari;
- Prezident administratsiyasining administratsiya rahbarining hududlardagi yordamchilari kotibiyatlari faoliyatini muvofiqlashtirish sho‘basi tugatilgan.
Izoh (0)