Неймар яқин орада жароҳатидан тузалмайди ва Америка Кубоги—2024 мусобақасини ўтказиб юборади.
Неймар октябрь ойида ЖЧ—2026 саралашидан ўрин олган Бразилия ва Уругвай ўртасидаги баҳсда тиззасидан жароҳат олиб, майдонни тарк этганди.
Футболчини операция қилган Бразилия терма жамоаси шифокори Родриго Ласмар унинг Америка Кубогида иштирок этмаслигини тасдиқлади.
“Жуда эрта. Тузатишнинг алоҳида босқичларини ўтказиб юбориб, таваккалчилик қилишдан фойда йўқ. Неймар кейинги Европа мавсуми бошланиши, яъни август ойида майдонга қайтишини кутмоқдамиз.
Сабрли бўлиш лозим. У камида 9 ойсиз майдонга қайта олмайди.
У қайтганидан сўнг юқори даражада ўйин кўрсатишига умид қиламиз”, — дейди Ласмар.
Эслатиб ўтамиз, “Ал-Ҳилол” ҳужумчиси бирор маротаба Америка Кубогида зафар қучмаган. Бразилия билан биргаликда 2021 йилги турнир финалига қадар етиб борган ва ҳал қилувчи баҳсда Аргентинага имкониятни бой берганди.
Изоҳ (0)