“Uyda yolg‘iz” filmining dastlabki ikki qismida Fuller rolini Makoley Kalkinning ukasi Kiran o‘ynaganini ko‘pchilik bilmasa kerak. U shu yilning kuzida 41 yoshga to‘ldi. Kiran Kalkin yillar davomida qanchalik o‘zgardi?
Kalkinlar sobiq Brodvey aktyori Kristofer Kornelius va telefon operatori Patrisiya Brentrap oilasida tug‘ilgan. Yulduzlarning yana ikkita aka-uka va ikki opa-singlisi bor. Kiran ilk bora ikki yoshligida sahnaga chiqqan, u “Simfonik-kosmik” teatrida spektaklda rol o‘ynagan. Olti yildan so‘ng “Uyda yolg‘iz” filmida Fuller rolini ijro etgan.
Aktyor akasining soyasida qolib ketmadi: “Qudratli juftlik” filmidagi bosh roldan keyin, rejissorlar uni ko‘plab serial va filmlarga doimiy ravishda chaqira boshladi. Albatta ular orasida “Avlodlar” seriali alohida o‘rin tutadi. Kiran avvalroq “Oltin globus” mukofotiga nomzod bo‘lgan va u yerda “Eng yaxshi serial aktyori” nominatsiyasi uchun kurash olib borgan. Ushbu kartina tufayli u o‘zining qismati aktyorlik ekanligini anglaganini aytadi.
“Men bu fikr xayolimga kelgan paytni eslashga harakat qilaman. Menimcha, bu birinchi mavsumni suratga olish jarayoni tugallanish arafasida edi. Uyga kelganimdan keyin o‘ylab qoldim: ‘Hayotim davomida nima bilan shug‘ullanishni xohlayman. O‘ylashimcha, men aktyor bo‘lishni xohlayman’. Men o‘sha payt 36 yosh edim va 30 yildan buyon aktyorlik qilib kelardim”, — deydi Kiran The Hollywood Reporter nashriga bergan intervyusida.
Aktyorning shaxsiy hayoti ham yaxshi. Kalkin 2013-yilda Jazz Charton ismli qizga uylangan. Olti yildan so‘ng ular qizli bo‘ldi. 2021-yilda esa o‘g‘il farzandi tug‘ildi.
Izoh (0)