Sirdaryoda 34 yoshli erkakning oyog‘i kombaynga kirib ketdi. Bu haqda “Milliy” telekanalining “Millar” dasturida xabar berildi.
Maʼlum qilinishicha, bemor bir necha yillardan buyon dehqonchilik bilan shug‘ullanib kelgan. Mazkur baxtsiz hodisa ham aynan ish vaqtida yuz bergan. Erkak ishlab turgan kombayn oldida o‘z yumushlarini bajarayotganida ehtiyotsizlik sabab kutilmaganda kombayn erkakning chap oyog‘ini jarohatlagan. Sirdaryoda tegishli amaliyotdan so‘ng bemor Toshkentga olib kelingan.
Shifoxonamizga 34 yoshli bemor olib kelindi. Sirdaryo viloyatida kombaynga oyog‘i kirib ketishi oqibatida chap boldir oyog‘i jarohatlangan. Sirdaryoda tomirni tiklash amaliyoti bajarilgan. Lekin qon aylanishi buzilishi hisobiga bizning shifoxonamizga olib kelindi — deydi jarroh.
Xabarda aytilishicha, mashina o‘z vaqtida to‘xtatilmaganida bu holat yanada ayanchli yakun topishi mumkin edi. Bemorda bir qator amaliyotlar bajarilgani natijasida oyog‘i kesilmaydigan bo‘ldi va mehnat qilish qobiliyati butunlay tiklanadi.
Izoh (0)