Oxirgi oy davomida O‘zbekistonda apelsinning ulgurji narxlari o‘tgan yillarning shu davriga nisbatan ancha past darajada saqlanib qoldi. Bu haqda EastFruit portal xabar berdi.
Qayd etilishicha, ushbu mahsulotlarning joriy ulgurji narxlari EastFruit mintaqasidagi mamlakatlar orasida eng past hisoblanadi. 2023-yil noyabr oyining ikkinchi o‘n kunligida O‘zbekistonda apelsinning ulgurji narxi bir hafta ichida 30 foizga tushib ketgan edi.
Keyingi haftalarda ushbu mahsulotlar narxi pasayishda davom etdi va so‘nggi bir oy ichida O‘zbekistonda apelsinlar 1,8 baravar arzonlashgan — 10-noyabrdan 8-dekabrgacha apelsinning o‘rtacha ulgurji narxi 1 kilogrammi uchun 23 ming so‘mdan 13 ming so‘mgacha arzonlashdi.
2023-yil 8-dekabr holatiga ko‘ra, apelsinning o‘rtacha ulgurji narxi 2021—2022-yillarning xuddi shu sanasiga nisbatan uchdan biriga past va 2019-yilning shu sanasiga nisbatan deyarli chorak baravar kam.
Bundan tashqari, O‘zbekistonda apelsinning joriy ulgurji narxlari EastFruit meva-sabzavot mahsulotlarining ulgurji narxlarini haftalik monitoring qilib boruvchi davlatlar orasida eng past hisoblanadi. Bunda faqat Gruziya mazkur mahsulotni ishlab chiqaruvchi bo‘lgani uchun istisnodir.
8-dekabr holatiga ko‘ra, ushbu mamlakatlarda apelsinning o‘rtacha ulgurji narxi quyidagicha: O‘zbekiston — 1,06 dollar, Moldova — 1,24 dollar, Rossiya — 1,35 dollar, Polsha — 1,37 dollar, Tojikiston — 1,46 dollar; Ukraina — $1,80 dollar.
Izoh (0)