Сирдарёда 34 ёшли эркакнинг оёғи комбайнга кириб кетди. Бу ҳақда “Миллий” телеканалининг “Миллар” дастурида хабар берилди.
Маълум қилинишича, бемор бир неча йиллардан буён деҳқончилик билан шуғулланиб келган. Мазкур бахтсиз ҳодиса ҳам айнан иш вақтида юз берган. Эркак ишлаб турган комбайн олдида ўз юмушларини бажараётганида эҳтиётсизлик сабаб кутилмаганда комбайн эркакнинг чап оёғини жароҳатлаган. Сирдарёда тегишли амалиётдан сўнг бемор Тошкентга олиб келинган.
Шифохонамизга 34 ёшли бемор олиб келинди. Сирдарё вилоятида комбайнга оёғи кириб кетиши оқибатида чап болдир оёғи жароҳатланган. Сирдарёда томирни тиклаш амалиёти бажарилган. Лекин қон айланиши бузилиши ҳисобига бизнинг шифохонамизга олиб келинди — дейди жарроҳ.
Хабарда айтилишича, машина ўз вақтида тўхтатилмаганида бу ҳолат янада аянчли якун топиши мумкин эди. Беморда бир қатор амалиётлар бажарилгани натижасида оёғи кесилмайдиган бўлди ва меҳнат қилиш қобилияти бутунлай тикланади.
Изоҳ (0)