Tojikiston shimolidagi O‘zbekiston bilan chegaradosh “Fotehobod” bojxona postida og‘irligi 71 kilogrammdan ortiq bo‘lgan geroinning katta partiyasi qo‘lga olindi. Bu haqda Tojikiston bojxona qo‘mitasi xabar berdi.
“Yuk mashinasi tirkamasini ko‘zdan kechirish chog‘ida 65 dona oq kukun solingan qora polietilen paketlar aniqlandi. Ekspertiza xulosasiga ko‘ra, bu umumiy og‘irligi 71 kilogramm 110 gramm bo‘lgan geroindir”, — deyiladi bojxona qo‘mitasi xabarida.
Ta’kidlanishicha, giyohvand moddani 31 yoshli Sug‘d viloyatida yashovchi Maxrovar Bo‘riyev olib ketayotgan bo‘lgan. Yuk mashinasi Rossiyada ro‘yxatdan o‘tgan. Bo‘riyevga nisbatan jinoiy ish ochilgan.
Izoh (0)