Birlashgan Millatlar Tashkiloti Bosh assambleyasining 2003-yil 21-noyabrdagi rezolyutsiyasiga muvofiq, 2004-yildan boshlab “9-dekabr – Butunjahon korrupsiyaga qarshi kurashish kuni” sifatida belgilangan.
Ushbu sana munosabati bilan ommaviy axborot vositalari vakillari uchun Axborot va ommaviy kommunikatsiyalar agentligida Agrobank tomonidan “9-dekabr Xalqaro korrupsiyaga qarshi kurashish kuni”ga bag‘ishlangan matbuot anjumani o‘tkazildi.
Tadbirda jurnalistlar, blogerlar, jamoatchilik vakillari hamda “Agrobank” ATBning mutasaddi mutaxassislari ishtirok etdi.
Jamiyatda korrupsiyaga nisbatan murosasiz munosabatni qaror toptirish o‘ta dolzarb masala bo‘lib, garchi uni bajarish doirasida masʼul idoralar belgilangan bo‘lsa-da, uning to‘laqonli ro‘yobga chiqishi uchun har bir inson o‘zida masʼuliyatni his etishi zarur.
“Agrobank” ATB tomonidan tashkil etilgan tadbirda bank tomonidan korrupsiyaga qarshi kurashish, bank xodimlari va mijozlarning huquqiy ongi va huquqiy madaniyatini yuksaltirish, jamiyatda korrupsiyaga nisbatan murosasiz munosabatni shakllantirish yuzasidan amalga oshirilayotgan ishlar to‘g‘risida so‘z bordi.
Bank rahbariyati tomonidan korrupsiyaviy holatlarning har qanday ko‘rinishlariga nisbatan murosasiz munosabatda bo‘lish va unga qarshi kurashish eng ustuvor vazifa etib belgilangani, bank tizimida komplayens nazorat sohasining huquqiy bazasi yaratilgani hamda ichki meʼyoriy hujjatlarga qo‘yilgan talablar takomillashtirilgani taʼkidlandi.
Fuqarolar va mijozlar tomonidan korrupsion holatlar yuzasidan tezkor xabar berish maqsadida:
- 24/7 rejimida faoliyat yurituvchi rasmiy telegram bot (@agrobankcompliancebot);
- facebook, instagram ijtimoiy tarmoqlarining sahifasida;
- tezkor ishonch telefoni (+998712028008 yoki 1216);
- compliance@agrobank.uz alohida elektron pochtasi;
- agrobank.uz saytida korrupsiyaga holatlariga oid alohida sahifa yurituvi joriy etilgani haqida axborot berildi.
Bugungi kunda bank tizimiga ishga kirishga nomzodlar bo‘yicha o‘tkazilgan o‘rganishlar 19 ta holatda manfaatlar to‘qnashuvi holatlari, bank tizimida ishlovchi xodimlar orasida 33 ta holatda to‘g‘ridan to‘g‘ri manfaatlar to‘qnashuvi aniqlangani qayd etildi.
Matbuot anjumanida ommaviy axborot vositalari vakillari o‘zlarini qiziqtirgan savollarga soha mutaxassislari tomonidan javoblar olishdi.
Reklama huquqi asosida.
Izoh (0)