Британиянинг Financial Times (FТ) газетаси талқинига кўра йилнинг энг нуфузли 25 нафар аёли рўйхатига Европа комиссияси раҳбари Урсула фон дер Ляен, актриса Марго Робби, қўшиқчи Бейонсе, Украина биринчи хоними Елена Зеленская кирди.
Энг нуфузли аёллар рўйхатига, шунингдек, эронлик ҳуқуқ ҳимоячиси Наргис Муҳаммадий, OpenAI технология бўйича бош директори Мира Мурати, БМТнинг биологик хилма-хиллик бўйича конвенцияси ижрочи котиби Элизабет Марума Мрема, Бразилия атроф-муҳит вазири Марина Сильва, General Motors бош директори Мери Барра, швейцариялик сиёсатчи Карин Келлер-Зуттер, Япониянинг Suntory Beverage and Food озиқ-овқат компанияси бош директори Макико Оно, америкалик актриса ва сценарий муаллифи Френ Дрешер, Ernst & Young консалтинг компанияси бош директори Жанет Транкейл, ҳинд актрисаси ва хонанда Алиа Бҳатт, америкалик ёзувчи Барбара Кингсолвер кирган.
Украина раҳбарининг рафиқаси Эстония бош вазири Кая Каллас томонидан дунёдаги энг нуфузли аёллар рўйхатига киритилган. Каллас Елена Зеленская “эри каби қатъиятнинг глобал рамзи” эканини айтган.
“Financial Times’нинг ушбу махсус лойиҳаси бир неча ой давомида ўнлаб идоралардаги юзлаб FТ журналистлари, аудитория ва соҳа раҳбарлари билан маслаҳатлашган ҳолда йиғилди. Якуний натижа нуфузли мукофотларга сазовор бўлган аёллар билан тўлдирилган рўйхатдир, лекин ҳатто Нобель мукофотлари, Пулитцерлар, Грэммилар ва Жаҳон кубоклари ҳам аёллар фаолиятининг кўп қиррали хусусиятини тўлиқ акс эттира олмайди”, — дейди таҳририят.
Изоҳ (0)