Yevropa Ittifoqi davlatlarining harbiy xarajatlari 2022-yilda 6 foizga oshib, rekord darajada — 240 milliard yevroni tashkil qildi.
Bu haqda Yevropa mudofaa agentligi ma’lum qildi.
Unga ko‘ra, Yevropa Ittifoqining 27 davlatidan 20 tasi mudofaa xarajatlarini oshirgan, ulardan oltitasida harbiy xarajatlar 10 foizdan ko‘proqqa oshgan.
Lyuksemburg harbiy xarajatlarni 27,9 foizga, Litva — 27,6 foiz, Ispaniya — 19,3 foiz, Belgiya — 14,8 foiz va Gretsiya — 13,3 foizga oshirib, rekordchilar qatoridan joy oldi.
Harbiy xarajatlarning deyarli oltidan bir qismi — 58 milliard yevro yangi turdagi qurollarni olishga qaratilgan.
Agentlik ushbu mablag‘larning qancha qismi Ukrainaga harbiy yordam uchun sarflanganiga aniqlik kiritmadi.
Avvalroq Yevropa Ittifoqining tashqi siyosat bo‘yicha rahbari Jozep Borrel YI davlatlari Ukrainaga 27 milliard yevrolik qurol yetkazib berganini, bu 2022-yildagi barcha harbiy xarajatlarning 11 foizidan oshganini ma’lum qilgandi.
Izoh (0)