O‘zbekistonda 10 oyda xorijga ishlashga ketib, qiyin ahvolda qolgan 443 nafar fuqaro qaytarildi. Bu haqda Tashqi mehnat migratsiyasi agentligi axborot xizmati rahbari Ortiqxo‘ja Norov ma’lum qildi.
Uning so‘zlariga ko‘ra, 2023-yilning 10 oyi davomida agentlikka jismoniy va yuridik shaxslardan jami 85 ming 634 ta murojaat kelib tushgan.
Murojaatlar asosida xorijda ishlash istagida bo‘lgan fuqarolarning 35 ming 381 nafariga tashkiliy va manzilli tarzda ishga joylashishga ko‘maklashilgan, xorijda ishlayotgan 8 667 nafariga huquqiy, 7 141 nafariga ijtimoiy va 2 474 nafariga jami 71 400 AQSH dollari miqdorida moddiy yordam ko‘rsatilgan.
Xorijda qiyin ahvolda qolgan 76 nafar fuqaro vaqtinchalik xostellarga joylashtirilgan bo‘lsa, og‘ir ahvolga tushib qolgan 443 nafar fuqaro O‘zbekistonga qaytarilgan.
O‘zbekiston fuqarolarining 1710 nafarini ish beruvchi tomonidan to‘lanmayotgan ish haqi, 98 nafarini esa kompensatsiya to‘lovlari shaklidagi jami 1 million 200 ming AQSH dollari miqdoridagi pullari undirib berilgan.
Izoh (0)