Rossiya taʼlim vazirligi Tojikistonga rus tili, fizika, biologiya va kimyo o‘qituvchilarini yuboradi, shuningdek, rus tili bo‘yicha darsliklar yetkazib beradi. Bu haqda vazirlik rahbari Sergey Kravtsovga tayanib, “RIA Novosti” xabar berdi.
“Hozir ushbu maktablar negizida metodik markazlar tashkil etmoqdamiz, nafaqat rus tili, balki fizika, biologiya, kimyo fanlaridan ham o‘qituvchilarni yubormoqdamiz.
Biz o‘z markazlarimiz va universitetlarimiz negizida Tojikiston uchun o‘qituvchilar tayyorlashga kelishib oldik va juda muhim qaror — rus tilidagi darsliklar bilan ta'minlash qabul qilindi”, — dedi Kravtsov.
U ayni damda Tojikistonda beshta rus maktabi ochilgan bo‘lib, ular uchun tanlov har bir o‘ringa to‘qqiz kishidan to‘g‘ri kelishini aytdi.
Kravtsov, shuningdek, G‘arb “qanchalik urinmasin”, Rossiyaning postsovet hududida, xususan, Markaziy Osiyo bilan aloqalarini yo‘q qila olmasligini ta’kidladi.
Izoh (0)