Россия таълим вазирлиги Тожикистонга рус тили, физика, биология ва кимё ўқитувчиларини юборади, шунингдек, рус тили бўйича дарсликлар етказиб беради. Бу ҳақда вазирлик раҳбари Сергей Кравцовга таяниб, “РИА Новости” хабар берди.
“Ҳозир ушбу мактаблар негизида методик марказлар ташкил этмоқдамиз, нафақат рус тили, балки физика, биология, кимё фанларидан ҳам ўқитувчиларни юбормоқдамиз.
Биз ўз марказларимиз ва университетларимиз негизида Тожикистон учун ўқитувчилар тайёрлашга келишиб олдик ва жуда муҳим қарор — рус тилидаги дарсликлар билан таъминлаш қабул қилинди”, — деди Кравцов.
У айни дамда Тожикистонда бешта рус мактаби очилган бўлиб, улар учун танлов ҳар бир ўринга тўққиз кишидан тўғри келишини айтди.
Кравцов, шунингдек, Ғарб “қанчалик уринмасин”, Россиянинг посцовет ҳудудида, хусусан, Марказий Осиё билан алоқаларини йўқ қила олмаслигини таъкидлади.
Изоҳ (0)