Qashqadaryoda14 yoshli qizni jinsiy qullikda saqlab kelishda gumonlanayotgan ayol qamoqqa olindi. Bu haqda Bolalar ombudsmani xabar berdi.
Holat yuzasidan Kitob tumani prokuraturasi tomonidan fuqaro N.A.ga nisbatan Jinoyat kodeksining 135-moddasi 3-qismi “a” bandi (voyaga yetmagan shaxsga nisbatan odam savdosi) bilan jinoyat ishi qo‘zg‘atilgan bo‘lib, hozirda tergov guruhi tomonidan tergov harakatlari olib borilmoqda.
25-noyabr kuni fuqaro N.A. (ayol) gumon qilinuvchi tariqasida jalb qilinib, unga nisbatan Jinoyat ishlari bo‘yicha Kitob tumani sudining 26-noyabrdagi ajrimi bilan qamoqqa olish tarzidagi ehtiyot chorasi qo‘llanildi.
Xabarda aytilishicha, mazkur ish yuzasidan bolalar ombudsmani voyaga yetmagan Ch.T.ning qonuniy manfaatlari ta’minlanishi ustidan parlament nazoratini davom ettiradi.
Ijtimoiy himoya milliy agentligi bergan ma’lumotga ko‘ra, 14 yoshli qiz otasi qaramog‘ida bo‘lgan. Onasi 2023-yil yanvarida Rossiyaga ishlash uchun ketib, bugungi kungacha qaytib kelmagan.
Agentlikning Kitob tumani “Inson” ijtimoiy xizmatlar markazi psixolog va pedagoglaridan iborat ishchi guruh tomonidan voyaga yetmagan qizning jismoniy va ruhiy salomatligini tiklash hamda mazkur holatning kelib chiqish sabablari hamda uni bartaraf etish choralari yuzasidan “ijtimoiy ish” ochilgan.
Izoh (0)