Qashqadaryo viloyati Shahrisabz tumanida 14 yoshli qiz yetti oy davomida majburan saqlanib, turli shaxslar bilan jinsiy aloqa qilishga majburlab kelingani haqida tarqalgan xabarlar yuzasidan Ijtimoiy himoya milliy agentligi munosabat bildirdi.
Unda aytilishicha, agentlik tomonidan ishchi guruh tuzilib, tezkor o‘rganishlar olib borildi. Dastlabki ma’lumotlarga ko‘ra, voyaga yetmagan Ch.T. Qashqadaryo viloyati Kitob tumanida yashovchi otasi G‘.J. qaramog‘ida ekani, onasi X.S. 2023-yil yanvarida Rossiyaga ishlash uchun ketib, bugungi kungacha qaytib kelmagani aniqlangan.
Qizning 7 oy davomida fuqaro N.A. uyida 7 oy davomida majburan saqlab kelinib, zo‘rlik va tahdid orqali turli shaxslar bilan jinsiy aloqa qilishga majburlagani haqida uning tog‘asi xabar qilgan.
Ijtimoiy himoya milliy agentligi Kitob tumani “Inson” ijtimoiy xizmatlar markazi tomonidan psixolog va pedagoglardan iborat ishchi guruh bugungi kunda voyaga yetmagan T.Ch.ning jismoniy va ruhiy salomatligini tiklash hamda mazkur holatning kelib chiqish sabablari hamda uni bartaraf etish choralari yuzasidan “ijtimoiy ish” ochilib, holat yuzasidan kompleks o‘rganishlar davom ettirilayotganligini ma’lum qilamiz, — deyiladi xabarda.
Holat yuzasidan fuqaro N.A.ga nisbatan Jinoyat kodeksining 135-moddasi 3-qismi “a” bandi bilan (odam savdosi, voyaga yetmagan shaxsga nisbatan) jinoyat ishi qo‘zg‘atilib, tergov guruhi tuzilgan va tezkor ravishda tergov harakatlariga kirishilgan.
Jinoyat ishi Bosh prokuratura va bolalar ombudsmanining alohida nazoratida.
Izoh (0)