SSV huzuridagi Farmatsevtika mahsulotlari xavfsizligi markazi O‘RVI bilan kasallanish ortgani sababli ogohlantirish bilan chiqdi.
Unda qayd etilishicha, o‘tkir virusli infeksiyalarga chalinish holatlari bilan bog‘liq mavsumiy kasalliklar kuzatilyotgan davrda tabiiyki tarkibida spirt mavjud bo‘lgan dori vositalariga talab ortadi. Shu sababli markaz barcha fuqarolarni dorixonalardan dori vositalarini xarid qilish va uni qo‘llashda mahsulot yo‘riqnomasiga qat’iy rioya qilishlari lozimligi to‘g‘risida ogohlantirdi.
“Tashqi qo‘llash yoinki kosmetologik maqsadlar uchun mo‘ljallangan preparatlarni ichga qabul qilish mumkin emas. Shuningdek, alkogol mahsulotlari hech qanday davolash xususiyatiga ega emasligini unutmang”, — deyiladi ogohlantirishda.
Bundan avval SSV O‘RVIga qarshi kurashda iste’mol qilish foydali bo‘lgan mahsulotlar haqida ma’lumot bergandi. Vazirlik mavsumiy o‘tkir respirator kasalligiga qarshi immun tizimini mustahkamlashda tuzlangan karam, limon, na’matak damlamasi, sarimsoq piyoz, piyoz, qaynatilgan tuxum hamda tvorog mahsulotlarini iste’mol qilishni tavsiya etdi.
Izoh (0)