APL. “Manchester Siti” turning markaziy o‘yinida “Liverpul” bilan durang o‘ynadi

Futbol bo‘yicha Angliya Premyer Ligasining 13-turida “Manchester Siti” va “Liverpul” jamoalari 25-noyabr, shanba kuni o‘zaro bahs olib bordi.

Uchrashuvning 27-daqiqasida Erling Holand darvozani ishg‘ol qildi. 80-daqiqada Trent Aleksander-Arnold gol urib, muvozanatni tikladi. Qolgan daqiqalarda darvozalar ishg‘ol etilmadi va jamoalar 1 ochkodan jamg‘ardi.

Pep Gvardiola shogirdlari ochkolari sonini 29 taga yetkazdi va musobaqa yetakchiligini mustahkamladi. “Liverpul” esa 28 ochko bilan 2-pog‘onani band etgan.

APL

13-tur

25-noyabr, shanba

“Manchester Siti” — “Liverpul” 1:1

Gollar: 1:0 – 27 Holand, 1:1 – 80 Aleksander-Arnold.

“Manchester Siti”: Ederson, Uoker, Ake, Ruben Diash, Akanji, Bernardu Silva, Rodri, Foden, Doku, Holand, Alvares.

“Liverpul”: Alisson, Aleksander-Arnold, Matip, van Deyk, Simikas, Soboslai (Gakpo, 73), Mak Allister (Endo, 85), Jons (Gravenberx, 54), Saloh, Diogu Jota (Dias, 54), Nunyes (Elliott, 85).

Ogohlantirishlar: Nunyes (75), Matip (86), Bernardu Silva (89).