APL. “Manchester Yunayted”da minimal g‘alaba, “Arsenal” o‘z maydonida “Byornli”ni ishonchli hisobda mag‘lub etdi (video)

Futbol bo‘yicha Angliya Premyer Ligasining 12-turidan o‘rin olgan o‘yinlar 11-noyabr, shanba kuni bo‘lib o‘tdi. 

“Manchester Yunayted” o‘zida “Lyuton”ni qabul qildi va 1:0 hisobida g‘alaba qozondi. Mankunianliklar safida Viktor Lindelef yagona gol muallifiga aylandi.

“Arsenal” “Byornli”ga qarshi bahs olib bordi. Birinchi bo‘lim so‘ngida Leonardo Trossard londonliklarni hisobda oldinga olib chiqdi. Ikkinchi bo‘limda Josh Braunhill muvozanatni tikladi. 57-daqiqada Uilyam Saliba “kanonirlar”ni yana hisobda oldinga olib chiqdi. 74-daqiqada Oleksandr Zinchenko hisobni ishonchli ko‘rinishga olib keldi. 83-daqiqada Fabiu Vieyra qizil kartochka olib, maydonni tark etdi.

“Tottenhem” safarda “Vulverhempton” mehmoni bo‘ldi. Uchrashuvning 3-daqiqasidayoq “shporlar” futbolchisi Brennan Jonson hisobni ochdi. Shundan so‘ng 90-daqiqadaga qadar 1:0 hisobi saqlanib qolayotgandi. Biroq, 90+1-daqiqada Pablo Sarabiya muvozanatni tikladi. 90+7-daqiqada Mario Lemina “Vulverhempton”ga g‘alaba keltiruvchi golga mualliflik qildi.

APL

12-tur

11-noyabr, shanba

“Manchester Yunayted” — “Lyuton” 1:0

Gol: 1:0 – 59 Lindelef.

“Manchester Yunayted”: Onana, Diogu Dalot, Maguayr, Lindelef, Regilon (Varan, 79), Eriksen (Maunt, 40), Brunu Fernandesh, Maktominey, Garnacho (Antoni, 68), Reshford, Heylund (Marsyal, 79).

“Lyuton”: Kaminski, Kabore (Adebayo, 87), Loker, Osho, Menji, Dauti (Klark, 73), Taunsend (Chong, 61), Barkli, Nakamba (Raddok-Mpanzu, 86), Ogbene (Jaylz, 86), Morris.

Ogohlantirishlar: Kabore (74), Loker (90).

“Arsenal” — “Byornli” 3:1

Gollar: 1:0 – 45 Trossard, 1:1 – 54 Braunhill, 2:1 – 57 Saliba, 3:1 – 74 Zinchenko.

“Arsenal”: Rayya, Tomiyasu, Gabriel, Saliba, Zinchenko, Jorjinyo, Rays, Haverts (Fabiu Vieyra, 59), Trossard (Nketia, 81), Martinelli (Kiver, 89), Saka (Nelson, 81).

“Byornli”: Trafford, Vitinyo (Odober, 88), O‘shi, Bayer, Teylor, Gudmundsson, Braunhill (Obafemi, 85), Berge, Rodriges, Amduni (Remzi, 80), Koliosho (Bruun Larsen, 80).

Ogohlantirish: Gudmundsson (90).

Chetlatish: Fabiu Vieyra (83).

“Vulverhempton” — “Tottenhem” 2:1

Gollar: 0:1 – 3 Jonson, 1:1 – 90 Sarabiya, 2:1 – 90 Lemina.

“Vulverhempton”: Joze Sa, Semedu (Doerti, 67), Douson, Kilmen, Gomesh, Ait-Nuri (Doyl, 87), Lemina, Bellgard (Kalayjich, 73), Gomes (Sarabiya, 87), Xvan Xi Chxan, Mateus Kunya.

“Tottenhem”: Vikario, Porro, Dayer, Devis, Emerson, Hyoyberg, Bissuma (Lo Chelso, 76), Sarr (Bentankur, 63), Kulusevski, Son Hyon Min, Jonson (Xil, 75).

Ogohlantirishlar: Emerson (45), Bissuma (45), Bentankur (89), Douson (90), Doerti (90), Gomes (90), Ait-Nuri (90).