Janubiy Koreya sudi hujjatli detektiv janrining muxlisi bo‘lgan 23 yoshli Chon Yu Chonni umrbod qamoq jazosiga hukm qildi. U qotillikni, o‘zining so‘zlariga ko‘ra, “qiziqish tufayli” sodir etgan.
Yu Chon ishsiz bo‘lib, bobosi bilan yashagan va juda tanho turmush tarzini olib borgan.
Prokuratura sudga jabrlanuvchini topish uchun bir necha oy vaqt ketganini aytdi.
U 50 dan ortiq potensial repetitorlarga, asosan, ayollarga xat yozib, ular o‘z uylarida repetitorlik qilishadimi, yo‘qmi qiziqqan.
May oyida Chon Yu Chon o‘zini ingliz tilidan repetitor qidirayotgan o‘rta maktab bitiruvchisining onasi sifatida ko‘rsatib, 26 yoshli ayolga xat yozadi va uning manzilini bilib oladi.
Bir necha kundan so‘ng Chon Yu Chon o‘qituvchining uyiga internet orqali sotib olingan maktab formasini kiyib keldi va u eshikni ochishi bilanoq jabrlanuvchiga hujum qiladi.
Yosh qiz o‘z qurboniga 100 martadan ko‘proq pichoq urgan, ularning aksariyatini allaqachon o‘lgan jasadga sanchigan. Politsiya qurbonning ismini oshkor qilmagan.
Keyin Chon Yu Chon jasadni bo‘laklarga bo‘lib, chamadonga solgan va taksida shaharning shimoliy qismidagi olis o‘rmonli hududga olib borgan.
Taksi haydovchisi uning yo‘lovchisi qon oqayotgan yuk olib ketayotgani haqida politsiyaga xabar berganidan keyin Chon Yu Chon hibsga olingan.
Tergovchilar bir necha oy davomida u qotillik usullari va jasaddan qanday qutulish haqida ma’lumot olish uchun internetdan qidirganini aniqladi.
Shu bilan birga, politsiyaning qayd etishicha, Chon Yu Chon jabrlanuvchining uyiga tashrif buyurganida kuzatuv kameralariga tushib qolmaslik uchun hech qanday ehtiyot choralarini ko‘rmagan.
Hukmni o‘qib eshittirar ekan, Pusan okrugi sudyasi sudlanuvchining qilmishi “jamiyatda hech qanday sababsiz jinoyat qurboni bo‘lish mumkinligidan qo‘rquv uyg‘otgani” va odamlarda ishonchsizlikni yuzaga keltirganini aytdi.
Sud jarayonida Chon Yu Chon qotillikka qiziqishini jinoyat haqidagi ko‘rsatuvlar va teledasturlar kuchaytirganini aytgan.
Izoh (0)