Жанубий Корея суди ҳужжатли детектив жанрининг мухлиси бўлган 23 ёшли Чон Ю Чонни умрбод қамоқ жазосига ҳукм қилди. У қотилликни, ўзининг сўзларига кўра, “қизиқиш туфайли” содир этган.
Ю Чон ишсиз бўлиб, бобоси билан яшаган ва жуда танҳо турмуш тарзини олиб борган.
Прокуратура судга жабрланувчини топиш учун бир неча ой вақт кетганини айтди.
У 50 дан ортиқ потенциал репетиторларга, асосан, аёлларга хат ёзиб, улар ўз уйларида репетиторлик қилишадими, йўқми қизиққан.
Май ойида Чон Ю Чон ўзини инглиз тилидан репетитор қидираётган ўрта мактаб битирувчисининг онаси сифатида кўрсатиб, 26 ёшли аёлга хат ёзади ва унинг манзилини билиб олади.
Бир неча кундан сўнг Чон Ю Чон ўқитувчининг уйига интернет орқали сотиб олинган мактаб формасини кийиб келди ва у эшикни очиши биланоқ жабрланувчига ҳужум қилади.
Ёш қиз ўз қурбонига 100 мартадан кўпроқ пичоқ урган, уларнинг аксариятини аллақачон ўлган жасадга санчиган. Полиция қурбоннинг исмини ошкор қилмаган.
Кейин Чон Ю Чон жасадни бўлакларга бўлиб, чамадонга солган ва таксида шаҳарнинг шимолий қисмидаги олис ўрмонли ҳудудга олиб борган.
Такси ҳайдовчиси унинг йўловчиси қон оқаётган юк олиб кетаётгани ҳақида полицияга хабар берганидан кейин Чон Ю Чон ҳибсга олинган.
Терговчилар бир неча ой давомида у қотиллик усуллари ва жасаддан қандай қутулиш ҳақида маълумот олиш учун интернетдан қидирганини аниқлади.
Шу билан бирга, полициянинг қайд этишича, Чон Ю Чон жабрланувчининг уйига ташриф буюрганида кузатув камераларига тушиб қолмаслик учун ҳеч қандай эҳтиёт чораларини кўрмаган.
Ҳукмни ўқиб эшиттирар экан, Пусан округи судьяси судланувчининг қилмиши “жамиятда ҳеч қандай сабабсиз жиноят қурбони бўлиш мумкинлигидан қўрқув уйғотгани” ва одамларда ишончсизликни юзага келтирганини айтди.
Суд жараёнида Чон Ю Чон қотилликка қизиқишини жиноят ҳақидаги кўрсатувлар ва теледастурлар кучайтирганини айтган.
Изоҳ (0)