Futzal bo‘yicha xalqaro o‘rtoqlik o‘yinida O‘zbekiston terma jamoasi 23-noyabr, payshanba kuni Yaponiyaga qarshi bahs olib bordi.
Uchrashuv Yaponiyaning 4:3 hisobidagi g‘alabasi bilan yakunlangan. Yaponlar safida Takumi Nagasaka ikki marta darvozani ishg‘ol etgan bo‘lsa, Sora Kanazava va Yuto Tutsumi bittadan gol muallifiga aylandi.
O‘zbekiston tarkibida Jamshid Rahmatullayev, Elbek To‘lqinov va Ilhomjon Hamroyev bir martadan o‘z nomiga gol yozdirib qo‘ydi.
Jamoalar 22-noyabrda ham o‘zaro o‘yin olib bordi. Unda ham Yaponiya 2:0 hisobida g‘alaba qozondi.
Xalqaro o‘rtoqlik o‘yini
O‘zbekiston — Yaponiya 3:4
Gollar: Jamshid Rahmatullayev 5, Elbek To‘lqinov 26, Ilhomjon Hamroyev 36 – Takumi Nagasaka 5, 6, Sora Kanazava 15, Yuto Tutsumi 38.
Izoh (0)