Qatarning Doha shahrida 23 yoshgacha bo‘lgan futbolchilar o‘rtasidagi 2024-yilgi Osiyo Kubogiga qur’a tashlandi.
Unga ko‘ra, O‘zbekiston U-23 terma jamoasi D guruhidan joy oldi. O‘zbekistonning raqiblari Vyetnam, Kuvayt va Malayziya bo‘ladi. Guruh bosqichi uchrashuvlari 2024-yilning aprel oyida bo‘lib o‘tadi.
Qolgan guruhlardagi jamoalar bilan tanishing:
O‘zbekiston U-23 terma jamoasi joy olgan D guruhida 1-o‘rinni egallagan jamoa chorak finalda C guruhida 2-o‘rinni olgan jamoaga qarshi maydonga tushadi. D guruhida ikkinchi bo‘lgan terma jamoa C guruhi g‘olibiga qarshi yarim final uchun kurashadi. Qayd etib o‘tish joiz, C guruhidan Saudiya Arabistoni, Iroq, Tailand va Tojikiston terma jamoalari joy olgan.
Eslatib o‘tamiz, U-23 Osiyo Kubogi 2024-yilning 15-aprelidan 3-mayiga qadar Qatarda bo‘lib o‘tadi.
Mazkur turnirda eng yaxshi uchta o‘rinni egallagan jamoa 2024-yilgi Parij Olimpiadasi yo‘llanmasini qo‘lga kiritadi, to‘rtinchi o‘rinni egallagan jamoa esa Afrikaning Gvineya jamoasiga qarshi pley-off bahsida maydonga tushadi.
Izoh (0)