Turkmanistonda ayollar uchun maxsus kiyinish qoidalari, ularning haydovchilik guvohnomasini olishiga hech qanday cheklovlar yo‘q. Bu haqda Turkmaniston tashqi ishlar vaziri o‘rinbosari Vepa Xadjiyev milliy delegatsiyaning BMT Inson huquqlari bo‘yicha kengashining universal davriy tahlili bo‘yicha ishchi guruhining 44-sessiyasidagi ishtirokiga bag‘ishlangan brifingda ma’lum qildi
Diplomatning qayd etishicha, uchrashuvda qatnashgan ishtirokchi davlatlar ko‘pincha haqiqatga to‘g‘ri kelmaydigan ma’lumotlardan foydalangan.
“Kundalik hayotda ayollarimiz o‘zi xohlagan kiyimni kiyadi. Xuddi shu narsa ayollarning tashqi ko‘rinishi va go‘zallik salonlariga tashrif buyurishiga ham tegishli”.
Mamlakatda Oliy o‘quv yurtlaridan tashqari ma’lum dress-kod yo‘qligi ta’kidlanadi. Xadjiyev oxirgi paytlarda Turkmanistonda ayollarga 10 mingga yaqin haydovchilik guvohnomasi berilganini aytdi.
“Ular bundan foydalanadi: shaharda ayollar mashina haydayotganini ko‘rasiz. Negadir hech kim haydovchilik guvohnomalarini (faqat) erkaklarga berish haqida gapirmayapti. Agar ular imtihondan yiqilsa, litsenziya olmaydi”.
Turkmaniston Tashqi ishlar vazirligi o‘z matbuot bayonotida BMT Kengashidagi muloqot natijasida Ashxobod delegatsiyasiga 228 ta tavsiya qilingani, ulardan 146 tasi amalga oshirish uchun qabul qilingani, 82 tasi ko‘rib chiqilishi haqida xabar berdi.
Aziz Boyarov
Izoh (0)