Туркманистонда аёллар учун махсус кийиниш қоидалари, уларнинг ҳайдовчилик гувоҳномасини олишига ҳеч қандай чекловлар йўқ. Бу ҳақда Туркманистон ташқи ишлар вазири ўринбосари Вепа Хаджиев миллий делегациянинг БМТ Инсон ҳуқуқлари бўйича кенгашининг универсал даврий таҳлили бўйича ишчи гуруҳининг 44-сессиясидаги иштирокига бағишланган брифингда маълум қилди
Дипломатнинг қайд этишича, учрашувда қатнашган иштирокчи давлатлар кўпинча ҳақиқатга тўғри келмайдиган маълумотлардан фойдаланган.
“Кундалик ҳаётда аёлларимиз ўзи хоҳлаган кийимни кияди. Худди шу нарса аёлларнинг ташқи кўриниши ва гўзаллик салонларига ташриф буюришига ҳам тегишли”.
Мамлакатда Олий ўқув юртларидан ташқари маълум дресс-код йўқлиги таъкидланади. Хаджиев охирги пайтларда Туркманистонда аёлларга 10 мингга яқин ҳайдовчилик гувоҳномаси берилганини айтди.
“Улар бундан фойдаланади: шаҳарда аёллар машина ҳайдаётганини кўрасиз. Негадир ҳеч ким ҳайдовчилик гувоҳномаларини (фақат) эркакларга бериш ҳақида гапирмаяпти. Агар улар имтиҳондан йиқилса, лицензия олмайди”.
Туркманистон Ташқи ишлар вазирлиги ўз матбуот баёнотида БМТ Кенгашидаги мулоқот натижасида Ашхобод делегациясига 228 та тавсия қилингани, улардан 146 таси амалга ошириш учун қабул қилингани, 82 таси кўриб чиқилиши ҳақида хабар берди.
Азиз Бояров
Изоҳ (0)