Pul Unired ilovasi orqali turli banklarning kartalaridan o‘g‘irlangani maʼlum qilindi. 11-noyabr kuni ertalab baʼzi Universalbank mijozlari bank kartalarida mablag‘ yetishmayotganiga duch kelishdi. Bu haqda bank matbuot xizmati xabar berdi. Bugungi kunda bank kiberxavfsizlik markazi bilan ushbu hodisani tekshirmoqda.
So‘nggi maʼlumotlarga ko‘ra, anti-frod tizimi muammolarni aniqladi, bank Unired ilovasidagi barcha jarayonlar vaqtinchalik to‘xtatildi. Bir necha yuz million so‘m Universalbank tomonidan muzlatildi.
Bo‘lib o‘tgan voqealarga jiddiy yondashib va tegishli organlar bilan yaqindan hamkorlik qilib, ushbu voqeani tekshirilmoqda. Bankning Unired ilovasidagi barcha operatsiyalar vaqtincha to‘xtatildi.
Ushbu qaror mijozlarning mablag‘ini himoya qilishni kuchaytirishga qaratilgan ehtiyot chorasi sifatida qabul qilindi. Shuningdek, bankning antifrod tizimi orqali muzlatilgan mablag‘larni qaytarish uchun barcha zarur choralar ko‘rilmoqda”, — deyiladi bank izohida.
Universalbank bank xizmatlarining yuqori darajadagi xavfsizligi va ishonchliligini taʼminlashga sodiqligini taʼkidlab, zarar ko‘rgan mijozlardan IIB kiberxavfsizlik bo‘limiga yoki bankning Afrosiyob ko‘chasi 14 manzilda joylashgan ofisiga murojaat qilish so‘raladi.
- Huquqni muhofaza qilish organlari vaziyatni to‘la o‘rganib chiqqach, mijozlarga pul qaytariladi.
Qo‘shimcha maʼlumot olish uchun mijozlarli qo‘llab-quvvatlash xizmatiga +998 (71) 200-11-10 telefon raqami orqali murojaat qilishlari mumkin.
Izoh (0)