G‘azo sektoridagi mojaro tomonlari Isroil qamoqxonalarida saqlanayotgan falastinlik ayollar va o‘smirlarni HAMAS harakati tomonidan garovga olingan 100 nafar ayol va bolalarga almashish bo‘yicha kelishuvga erishdi. Bu haqda Al Hadath telekanali xabar berdi.
Ammo hozircha kelishuvni amalga oshirish muddati va vositachilari haqida aniq ma’lumot berilmagan.
Avvalroq AQSH Milliy xavfsizlik kengashi vakili Jon Kirbi Isroil G‘azo sektorining shimolidan janubigacha ikkita gumanitar yo‘lak ochishga, shuningdek, harbiy amaliyotlarda har kuni to‘rt soatlik tanaffus qilishga rozi bo‘lgani haqida xabar bergandi.
“Buni muhim qadam deb hisoblaymiz. Va biz bunday tanaffuslar qancha kerak bo‘lsa, shuncha davom etishini istaymiz”, — degandi Kirbi.
Shuningdek, u bir kun avval G‘azo sektoriga 126 ta yuk mashinasida gumanitar yordam yetkazilganini, biroq ularning sonini kuniga 150 taga yetkazish kerakligini aytgan.
Izoh (0)