Ғазо секторидаги можаро томонлари Исроил қамоқхоналарида сақланаётган фаластинлик аёллар ва ўсмирларни ҲАМАС ҳаракати томонидан гаровга олинган 100 нафар аёл ва болаларга алмашиш бўйича келишувга эришди. Бу ҳақда Аl-Hadath телеканали хабар берди.
Аммо ҳозирча келишувни амалга ошириш муддати ва воситачилари ҳақида аниқ маълумот берилмаган.
Аввалроқ АҚШ Миллий хавфсизлик кенгаши вакили Жон Кирби Исроил Ғазо секторининг шимолидан жанубигача иккита гуманитар йўлак очишга, шунингдек, ҳарбий амалиётларда ҳар куни тўрт соатлик танаффус қилишга рози бўлгани ҳақида хабар берганди.
“Буни муҳим қадам деб ҳисоблаймиз. Ва биз бундай танаффуслар қанча керак бўлса, шунча давом этишини истаймиз”, — деганди Кирби.
Шунингдек, у бир кун аввал Ғазо секторига 126 та юк машинасида гуманитар ёрдам етказилганини, бироқ уларнинг сонини кунига 150 тага етказиш кераклигини айтган.
Изоҳ (0)