Tojikiston prezidenti Emomali Rahmon ham Iqtisodiy hamkorlik tashkilotining navbatdagi sammitida ishtirok etish uchun O‘zbekistonga keldi.
![](/static/2023/Nigora/photo_2023-11-09_09-11-12.jpg)
Toshkent xalqaro aeroportida uni bosh vazir Abdulla Aripov va boshqa rasmiylar kutib oldi. Shundan so‘ng, Oliy martabali mehmon o‘zi uchun ajratilgan qarorgohga jo‘nab ketdi.
![](/static/2023/Nigora/photo_2023-11-09_09-11-13.jpg)
![](/static/2023/Nigora/photo_2023-11-09_09-11-14 (2).jpg)
Shavkat Mirziyoyev raisligida o‘tadigan IHT sammitida ishtirok etish uchun bunga qadar Qozog‘iston bosh vaziri Alixan Smailov, Pokiston bosh vaziri Anvar ul-Haq Kakar, Qirg‘iziston prezidenti Sadir Japarov, Turkiya prezidenti Rajab Toyyib Erdog‘on, Ozarbayjon prezidenti Ilhom Aliyev, Eron prezidenti Ibrohim Raisiy poytaxtga yetib kelgani xabar qilingan edi.
9-noyabr kuni IHT sammitida savdo-iqtisodiy, investitsiyaviy, transport-kommunikatsiyaviy va gumanitar hamkorlikni yanada kengaytirish hamda ushbu ko‘p tomonlama tuzilma faoliyatini takomillashtirish masalalari ko‘rib chiqilishi ko‘zda tutilgan.