Gollivud yulduzi Arnold Shvarsenegger joriy yilning fevral oyida avtohalokatga uchragani maʼlum bo‘ldi. 76 yoshli aktyor o‘z avtomobilida harakatlanib ketish vaqtida yo‘lida paydo bo‘lgan velosipedchi ayolni urib yuborgan.
.jpg)
Jabrlanuvchi Joan Flikinger Kaliforniya shtatining sobiq gubernatori avtomobilda katta tezlikda harakatlangani, shuning uchun ham boshqaruvni yo‘qotgani, to‘qnashuv oqibatida jiddiy jarohatlar olganini aytgan. Hodisa guvohlari esa aksincha, Shvarsenegger avtomobilda sekin harakatlanganini qayd etishgan.
Avtohalokat sodir bo‘lganidan keyin Arnold Shvarsenegger velosipedchi ayolni kasalxonaga olib borgan, uning velosipedini esa ustaxonaga topshirgan.
Avtohalokat aynan kimning aybi bilan sodir bo‘lgani hozircha aniq emas. Guvohlar jabrlanuvchining o‘zi yo‘nalishni keskin o‘zgartirgani va aktyorning oldidan chiqib qolganini taʼkidlashmoqda.
Jabrlanuvchi ayolga aktyor tomonidan yetarlicha yordam ko‘rsatilganiga qaramay, sud ishi davom etmoqda. Ayolning ijodkordan yana qanday daʼvosi borligi hozircha aniq emas.
Izoh (0)