Qashqadaryo viloyatida isteʼmolga yaroqsiz yog‘ mahsulotlari muomalaga kiritilishining oldi olindi, deb xabar beradi Bosh prokuratura huzuridagi departament.
Qayd etilishicha, departamentning Yakkabog‘ tuman bo‘limi tomonidan tezkor tadbir o‘tkazilgan. Tadbirda “Y.” MFYda yashovchi N.N. o‘z uyining yordamchi xo‘jaligida isteʼmolchilarning hayoti va sog‘lig‘i xavfsizligi talablariga javob bermaydigan yog‘ mahsuloti ishlab chiqarish bilan shug‘ullanib kelgani aniqlangan. Qo‘lbola usulda yelim idishlarga qadoqlangan jami 1 551 litr yog‘ va boshqa ishlab chiqarishda foydalanilgan tovar moddiy boyliklar ashyoviy dalil sifatida olingan.
Mazkur holat yuzasidan Jinoyat kodeksining 186-2-moddasi (Chigitdan olinadigan mahsulotni qonunga xilof ravishda ishlab chiqarish yoki muomalaga kiritish) bilan jinoyat ishi qo‘zg‘atilib, tergov harakatlari o‘tkazilmoqda.
- Surxondaryoda iyun oyida ham iste’molga yaroqsiz yog‘ mahsulotlari muomalaga kiritilishining oldi olingandi.
- Xorazmda bo‘lsa inson sog‘lig‘i uchun xavfli spirtli ichimliklarni tayyorlab kelgan shaxs faoliyatiga chek qo‘yilgani,
- Namanganda 550 million so‘mlik dori vositalari yo‘q qilingani to‘g‘risida xabar berilgandi.
Izoh (0)