Ўзбекистонда стадион ва футбол майдонларидан спорт фаолияти билан боғлик бўлмаган бошқа мақсадларда фойдаланиш тақиқланади. Бу ҳақда “Футбол-таълим муассасалари тармоғини кенгайтириш ҳамда халқаро стандартларга мос келадиган футбол инфратузилмасини ривожлантириш чора-тадбирлари тўғрисида”ги президент қарорида белгиланди.
Қарорга кўра, 2023 йил 31 декабрь қадар ҳудудлардаги барча стадион ва футбол майдонлари хатловдан ўтказилиб, таълим ва спорт ташкилотлари ҳамда эгаси номаълум стадион ва футбол майдонлари спорт фаолияти билан боғлик бўлмаган бошқа мақсадларда фойдаланиш тақиқланади ҳамда уларни таъмирлаш ва мақсадли фойдаланилиши ташкил этилади.
2024/2025-ўқув йилидан бошлаб мини-футбол инфратузилмалари мавжуд таълим ташкилотларида спорт сексиялари фаолиятини, улар ўртасида тизимли мусобақалар ўтказилиш йўлга қўйилади.
2024—2025 йиллар давомида Футбол мутахассисларини тайёрлаш ва илмий-тадқиқот маркази томонидан таълим ташкилотларининг жисмоний тарбия ўқитувчилари учун мини-футбол бўйича қисқа муддатли курслар ташкил этилади.
2025 йилдан бошлаб таълим ташкилотларини янгидан қуриш, реконструкция қилишда мини-футбол майдонлари ташкил қилиниши инобатга олинади ҳамда зарур маблағлар ажратилиши назарда тутилади.
Изоҳ (0)