Kuz-qish mavsumiga puxta tayyorgarlik ko‘rish maqsadida 6-noyabr kuni Toshkentning ayrim tumanlaridagi qator ko‘chalarida elektr taʼminoti vaqtincha to‘xtatiladi. Bu haqda “Hududiy elektr tarmoqlari” matbuot xizmati xabar berdi.
Qayd etilishicha, isteʼmolchilarga sifatli va barqaror elektr energiyasi yetkazib berilishini taʼminlash va elektr tarmoqlaridagi avariyaviy holatlarni oldini olish maqsadida bugun, 6-noyabr kuni quyidagi manzillarda elektr taʼminoti vaqtincha o‘chirildi:
- Yashnobod tumani — “Tovkantepa” MFYning ayrim hududlarida soat 10:00 dan 17:00 gacha;
- Bektemir tumani — “Gulbog‘” MFYning ayrim hududlarida 14:00 dan 17:00 gacha
- Mirzo Ulug‘bek tumani — “H.Abdullayev” va “Sarbon” MFYlarining ayrim hududlarida 10:00 dan 16:00 gacha.
Ta’kidlanishicha, ta’mirlash ishlari belgilangan vaqtdan avvalroq yakunlanishi mumkin.
“Hududiy elektr tarmoqlari” AJ Toshkent shahar filiali mazkur taʼmirlash ishlari tufayli elektr taʼminotidagi vaqtincha uzilishlar sababli yetkazilayotgan noqulayliklar uchun ushbu hududlarda yashovchi isteʼmolchilardan uzr so‘raydi.
Avvalroq Sergeli va Bektemir tumanlarining hududlariga 6-noyabr kuni soat 08:00 dan 20:00 ga qadar tabiiy gaz yetkazib berish vaqtincha to‘xtatilishi to‘g‘risida xabar berilgandi.
Izoh (0)