Куз-қиш мавсумига пухта тайёргарлик кўриш мақсадида 6 ноябрь куни Тошкентнинг айрим туманларидаги қатор кўчаларида электр таъминоти вақтинча тўхтатилади. Бу ҳақда “Ҳудудий электр тармоқлари” матбуот хизмати хабар берди.
Қайд этилишича, истеъмолчиларга сифатли ва барқарор электр энергияси етказиб берилишини таъминлаш ва электр тармоқларидаги авариявий ҳолатларни олдини олиш мақсадида бугун, 6 ноябрь куни қуйидаги манзилларда электр таъминоти вақтинча ўчирилди:
- Яшнобод тумани — “Товкантепа” МФЙнинг айрим ҳудудларида соат 10:00 дан 17:00 гача;
- Бектемир тумани — “Гулбоғ” МФЙнинг айрим ҳудудларида 14:00 дан 17:00 гача
- Мирзо Улуғбек тумани — “Ҳ.Абдуллаев” ва “Сарбон” МФЙларининг айрим ҳудудларида 10:00 дан 16:00 гача.
Таъкидланишича, таъмирлаш ишлари белгиланган вақтдан аввалроқ якунланиши мумкин.
“Ҳудудий электр тармоқлари” АЖ Тошкент шаҳар филиали мазкур таъмирлаш ишлари туфайли электр таъминотидаги вақтинча узилишлар сабабли етказилаётган ноқулайликлар учун ушбу ҳудудларда яшовчи истеъмолчилардан узр сўрайди.
Аввалроқ Сергели ва Бектемир туманларининг ҳудудларига 6 ноябрь куни соат 08:00 дан 20:00 га қадар табиий газ етказиб бериш вақтинча тўхтатилиши тўғрисида хабар берилганди.
Изоҳ (0)