Eron Oliy rahnamosining maslahatchisi, general-mayor Rahim Safavi Shanxay hamkorlik tashkiloti (SHHT) davlatlarini hujum qilmaslik to‘g‘risida bitim tuzishga chaqirdi, deb xabar bermoqda Mehr agentligi.
“Men Shanxay kelishuviga aʼzo davlatlar o‘rtasida umumiy xavfsizlik va barqaror tinchlik birinchi navbatda amalga oshirilishini taklif qilaman. Hamkorlikni tashkil etish va hujum qilmaslik to‘g‘risida pakt tuzish buning namunasi bo‘la oladi”, — degan maslahatchi Xitoyga tashrifi davomida.
Safavi, shuningdek, “Xitoy va Eron Qurolli kuchlari barcha turdagi tahdidlar va umumiy manfaatlar bo‘yicha umumiy tushunishga erishishi kerak”, deb taʼkidladi.
Eslatib o‘tamiz, Eron 2023-yil 4-iyulda bo‘lib o‘tgan SHHT Davlat rahbarlari kengashining onlayn majlisi yakunida rasman SHHTga a’zo bo‘lgandi.
Sammitda Eron prezidenti Ibrohim Raisiy AQSH dollaridan xalqaro valyuta sifatida voz kechishga chaqirgandi.
Izoh (0)