Yaponiya Falastin — Isroil o‘rtasida boshlangan yangi mojaro davrida ilk bor HAMASning to‘qqiz nafar a’zosi va ularga aloqador kompaniyalarga qarshi sanksiyalar kiritdi. Bu haqda Kyodo agentligi xabar berdi.
HAMASni moliyalashtirishga yordam bergan to‘qqiz kishi va ularning kompaniyalari sanksiyalar ostiga tushgan.
“Qora ro‘yxat”dagi jismoniy va yuridik shaxslarning Yaponiyadagi aktivlari muzlatiladi: egalari ulardan foydalana olmaydi.
Sanksiyaga qo‘yilgan to‘qqiz kishi Falastin, Sudan, Misr va Iordaniya fuqaroligiga ega bo‘lib, ulardan biri Turkiya—Iordaniya fuqaroligiga ega.
27-oktyabr kuni Qo‘shma Shtatlar HAMASga qarshi yangi sanksiyalar eʼlon qilgandi.
Avvalroq The Wall Street Journal nashri HAMAS harakati uzoq yillar davomida o‘z faoliyatini G‘azo sektoriga yetkazilgan gumanitar yordam yig‘imlari va mintaqa aholisini qo‘llab-quvvatlash uchun yuborilgan mablag‘lar hisobidan moliyalashtirib kelgani haqida maqola e’lon qilgandi.
The Wall Street Journal’ning yozishicha, ko‘plab davlatlar, jumladan, Isroilning o‘zi ham bilvosita HAMASga moliyaviy yordam ko‘rsatgan.
Izoh (0)