So‘nggi paytlarda ijtimoiy tarmoqlarda Toshkentda isitish mavsumi boshlanishi bilan bog‘liq bir-biriga qarama-qarshi fikrlar ko‘paymoqda. Shu munosabat bilan poytaxt hokimligi aholiga tushuntirish berdi.
Ma’lum qilinishicha, isitish mavsumi Gidrometeorologiya xizmati agentligidan isitish mavsumini maʼlum sanadan boshlash tavsiyasi olinganidan keyin Toshkent shahar hokimining qarori bilan boshlanadi.
“Isitish mavsumining boshlanishi jiddiy jarayon bo‘lib, biz bunga bor mas’uliyatimiz bilan yondashamiz. Toshkent shahri aholisidan vaziyatga to‘g‘ri baho berib, sabr qilishlarini so‘raymiz hamda yaqin kunlarda isitish mavsumi boshlanishini ma’lum qilamiz”, — deyiladi hokimlik xabarida.
Vazirlar Mahkamasining 2017-yil 15-iyuldagi “Kommunal xizmatlar ko‘rsatish qoidalarini tasdiqlash to‘g‘risida”gi 194-son qaroriga asosan isitish davri tashqi havoning o‘rtacha sutkalik harorati 8 darajadan past bo‘lgan 5 kunlik davr tamom bo‘lgan kundan keyingi kundan boshlanishi, 8 darajadan yuqori bo‘lganda esa tamomlanishi kerak.
Izoh (0)