Bir necha yil avval Rossiya fuqaroligini olgan Tojikistonda tug‘ilgan ikki fuqaro Moskvadagi voyenkomatdan qochib ketdi. Bu haqda “Kommersant” xabar berdi.
Ma’lum qilinishicha, gap 2004 va 2005-yillarda tug‘ilgan, armiyaga chaqirilgan yigitlar haqida ketmoqda. Holat yuzasidan Rossiya Jinoyat kodeksining 328-moddasi 1-qismi (harbiy va muqobil fuqarolik xizmatidan bo‘yin tovlash) bo‘yicha ikkita ish qo‘zg‘atilgan. Yigitlar ikki yilgacha ozodlikdan mahrum etilishi mumkin.
Aniqlik kiritilishicha, asli tojikistonlik fuqarolar keyinchalik xizmat joyiga yuborilishi uchun harbiy komissariyatda bo‘lgan. Hozir ular qidiruvga berilgan.
Izoh (0)