Rossiya hukumati migratsiya xizmati va politsiya reydlari davomida aniqlangan noqonuniy muhojirlarni Ukrainadagi urushga safarbar qilishga qaror qildi. Bu haqda The Times xabar berdi.
Nashrning yozishicha, Rossiya ikkita toifadagi fuqarolarni “ovlashni” boshladi. Bular: noqonuniy migrantlar va Rossiya pasportini endigina olgan, ammo harbiy komissariyatga borishdan qochgan sobiq muhojirlardir.
Mazkur xabar Sankt-Peterburgdagi sabzavot omborida bo‘lib o‘tgan reyd fonida e’lon qilindi. Reydda 100 ga yaqin Rossiya pasportiga ega muhojirlar harbiy komissariyatga (voyenkomat) olib ketilgandi.
Tekshiruv davomida jami 400 nafarga yaqin chet el fuqarosi aniqlangandi, ulardan 55 nafari migratsiya qonunchiligini buzgan holda Rossiya hududida bo‘lgan.
Politsiyaga ko‘ra, mazkur fuqarolar reydda qiziqish kategoriyasiga kirmaydi, harbiy xizmat konstitutsiyaviy majburiyat ekani ta’kidlangan.
Izoh (0)