Sankt-Peterburgdagi sabzavot omborida ishlayotgan 100 ga yaqin Rossiya pasportiga ega muhojirlar harbiy komissariyatga (voyenkomat) olib ketildi. Bu haqda “Kommersant” xabar berdi.
Tekshiruv davomida jami 400 nafarga yaqin chet el fuqarosi aniqlangan, ulardan 55 nafari migratsiya qonunchiligini buzgan holda Rossiya hududida bo‘lgan. Bir nafar migrant soxta hujjatlarni taqdim etgan, shu sababli unga nisbatan jinoiy ish qo‘zg‘atilgan.
Reydlar davomida Rossiya pasportiga ega bo‘lgan shaxslarni harbiy ro‘yxatga olish bo‘limlariga jo‘natish politsiya tomonidan migratsiya qonunchiligiga rioya etilishini tekshirishning “yangi varianti” deb atalgan.
Politsiyaga ko‘ra, mazkur fuqarolar reydda qiziqish kategoriyasiga kirmaydi, ammo huquq-tartibot xodimlari imkoniyatdan foydalanib, “ruslarni yanada o‘qitish imkoniyatini qo‘ldan boy bermayapti”. Harbiy xizmat konstitutsiyaviy majburiyat ekani ta’kidlangan.
Izoh (0)