Xitoyda dunyoning 45 mamlakatidan kelgan OAV vakillari uchun media-tur uyushtirilgani xabar qilingandi. Tadbir doirasida Vuhu shahrida bir necha avtomobillar test-drayvi tashkil etildi.
Ishtirokchilar Fantatsia sinov maydonida EXEED’ning VX, RX, ELANTIX ES va boshqa modellarini sinovdan o‘tkazdi.
Maydonda avtomobillar texnik xususiyatlari, jumladan, ularning tezligi va sezgirligi sinab ko‘rildi. Ikki kun davom etgan tadbirga dunyoning turli burchaklaridan kelgan ishtirokchilar jalb etildi.
Xususan, test-drayv guruhiga Markaziy Osiyo, Sharqiy Yevropa, Osiyo—Tinch okeani, Meksika, Yaqin Sharq, Misr, Braziliya, Chili, Peru mamlakatlar vakillari kirdi. O‘zbekistonlik ishtirokchilar ham yangi modeldagi avtomobillarni haydab ko‘rdi.
Ishtirokchilar fikricha, avtomobillar zamonaviyligi, tezkorligi va dizayni jihatdan o‘ziga xos. Ayniqsa, elektromobillarning yangi avlodi yaratilgani avtomobil ishqibozlarini qiziqtirmay qolmaydi.
“Masalan, ES modeli yo‘l-transport hodisasiga uchragan taqdirda ham avtomobil kuchli himoyalangani bilan o‘ziga xos. U kuchli to‘qnashuv paytida ham g‘ijimlanib ketmaydi”, — deydi mutaxassislardan biri.
Mazkur modeldagi mashina 3,8 soniyada 100 km/soat tezlikka ko‘tarila oladi. 800 voltli quvvatlagichda olgan 5 daqiqali zaryadi 150 km masofaga yetadi. To‘liq zaryadlangan avtomobil 660 km masofaga yura oladi.
RX elektrkrossoveri ham bir qator yangi va kuchli xususiyatlarga ega. Avtomobilda yetti haydash rejimi — eko, standart, sport, qor, loy, qum va yo‘lsiz rejimlari bor.
Umuman olganda, ishtirokchilar yangi modeldagi avtomobillar sinovdan o‘tkazishda faol bo‘ldi. Barcha mashinalar sinovdan muvaffaqiyatli o‘tdi.
Izoh (0)