Хитойда журналистлар EXEED автомобилларини синовдан ўтказди

Хитойда дунёнинг 45 мамлакатидан келган ОАВ вакиллари учун медиа-тур уюштирилгани хабар қилинганди. Тадбир доирасида Вуҳу шаҳрида бир неча автомобиллар тест-драйви ташкил этилди.

Иштирокчилар Фантациа синов майдонида EXEED’нинг VX, RХ, ELANТIX ES ва бошқа моделларини синовдан ўтказди.

Майдонда автомобиллар техник хусусиятлари, жумладан, уларнинг  тезлиги ва сезгирлиги синаб кўрилди. Икки кун давом этган тадбирга дунёнинг турли бурчакларидан келган иштирокчилар жалб этилди.

Хусусан, тест-драйв гуруҳига Марказий Осиё, Шарқий Европа, Осиё—Тинч океани, Мексика, Яқин Шарқ, Миср, Бразилия, Чили, Перу мамлакатлар вакиллари кирди. Ўзбекистонлик иштирокчилар ҳам янги моделдаги автомобилларни ҳайдаб кўрди.

Иштирокчилар фикрича, автомобиллар замонавийлиги, тезкорлиги ва дизайни жиҳатдан ўзига хос. Айниқса, электромобилларнинг янги авлоди яратилгани автомобиль ишқибозларини қизиқтирмай қолмайди.

“Масалан, ES модели йўл-транспорт ҳодисасига учраган тақдирда ҳам автомобиль кучли ҳимоялангани билан ўзига хос. У кучли тўқнашув пайтида ҳам ғижимланиб кетмайди”, — дейди мутахассислардан бири.

Мазкур моделдаги машина 3,8 сонияда 100 км/соат тезликка кўтарила олади. 800 волтли қувватлагичда олган 5 дақиқали заряди 150 км масофага етади. Тўлиқ зарядланган автомобиль 660 км масофага юра олади.

RХ электркроссовери ҳам бир қатор янги ва кучли хусусиятларга эга. Автомобилда етти ҳайдаш режими — эко, стандарт, спорт, қор, лой, қум ва йўлсиз режимлари бор.

Умуман олганда, иштирокчилар янги моделдаги автомобиллар синовдан ўтказишда фаол бўлди. Барча машиналар синовдан муваффақиятли ўтди.