Xitoy kontrrazvedkasi Pekin harbiy sanoatiga oid muhim ma’lumotlarni AQSHga uzatayotgan agent hibsga olingani haqida ma’lum qildi.
South China Morning Post nashrining yozishicha, Amerika josusi hibsga olingani haqida CCTV Xitoy davlat telekanali orqali xabar berilgan. Xou familiyali gumonlanuvchi 2013-yilda xorijdagi ilmiy tadbir davomida AQSH razvedka idoralari tomonidan yollangan.
Xitoy kontrrazvedkasining da’vo qilishicha, gumonlanuvchi yillar davomida AQSHga Xitoyning harbiy-sanoat kompleksi va mudofaa sanoati haqida muhim ma’lumotlarni taqdim etib kelgan. Xitoyning Sichuan provinsiyasidagi eng yirik mudofaa zavodlaridan birida “yirik josuslik sxemasi” iyul oyida fosh etilgan. Gumonlanuvchiga nisbatan ish Xitoyning Chengdu shahri sudiga oshirildi.
Bu avgust oyidan beri Xitoy razvedka xizmatlari AQSH foydasiga josuslikda gumon qilib, hibsga olgan kamida to‘rtinchi Xitoy fuqarosi bo‘ldi.
Izoh (0)